Отпан тауда шеберлік сабағы өтті.

8 қазан күні «Адай ата - Отпан тау» тарихи-мәдени кешенінде Қарашаңырақ ғимаратында, ұлттық қолөнер бұйымдарын жасаудан Бейнеу, Жаңаөзен, Жыңғылды, Түпқараған, Мұнайлы аудандарынан келген мектеп оқушыларының қатысуымен шеберлік сағаты өтті. Ұлттық қолөнер бұйымдарын жасаушы шеберлер Секер Байдиева мен Бақтылы Бопанаева апайлар шеберлік сағатында келген оқушыларға текемет, сырғалақ, өрмек баудың жасалу жолдарын, ұмытылып бара жатқан халқымыздың дәстүрлі қолөнер бұйымдарын іс жүзінде жасап көрсетті. Оқушылардың да қызығушылығы оянып, ши тартып, сырғалақ өріп, ұлттық бұйымдарымыздың әдемілігін, қазақы құндылықтарымызды үйрену ұрпақ үшін маңыздылығын сезініп, керемет әсер алды.